‘Kasanag Niño ukon Light for Señor Sto. Niño, gindugukan sang mga deboto

By: JoMaque | Enero 19, 2020

Iloilo City — Gindugukan sang mga deboto ang “Kasanag Niño” nga event sa atubang sang San Jose de Placer Parish kagab-i, Enero 18.

 Nagpasakup ang mga deboto sa pagsindi sa lima ka libo ka kandila nga nagaporma sang imahe ni Señor Sto. Niño.

Suno kay Barangay Kagawad Rodrigo Montaño sang Calaparan, Arevalo, lima ka tuig na ang iya panaad kay Señor Sto. Niño.

Nag-sponsor man ang ila barangay sang misa bangud kabahin ang Tribu Baybayanon sang Melchor L. Nava National High School sa Calaparan sa mapasakup sa highlight sang Dinagyang Festival sa Enero 26.        

Ang “Kasanag Niño,” isa sa mga aktibidad sang Dinagyang Festival 2020.