Menor-de-edad, patay sang natiruhan sang 19 anyos sa Leon

By: Aine Grace Bravo | January 20, 2020]

via Farrah Mae Morano

Leon, Iloilo — Patay ang menor-de-edad nga lalaki matapos aksidente natirohan sang 19-anyos nga lalaki sa Leon sang Sabado, Enero 18.

Suno kay PCapt Felix Perez, hepe sang Leon Municipal Police Station, bag-o natabo ang insidente, naga-inum ang menor-de-edad nga si alyas Bongbong upod kay John Leogen Caman kag isa pa nila ka abyan sa balay ni Principal George Callanga mga las 10 sang gab-i.

Ginpahayag nga ginkuha ni Bongbong kag ni Caman ang liyabe sa kwarto sang principal kag ginhampangan ang pusil. Gulpi lang naglupok ang pusil samtang gina-uyatan ni Caman kag naigo si Bongbong sa wala nga paa.

Gindala pa sa ospital si Bongbong pero wala natabangan.

Wala si Principal Callanga sa iya nga balay sa diin naga bulig-bulig ang duha ka pamatan-on.

Na-recover ang calibre 40 nga pusil samtang detain sa police station si Caman.