52 anyos nga lalaki, patay sang na-hit-and-run sa Pototan

By: Aine Grace Bravo

via Angel Mae Ciudad

Pototan, Iloilo — Patay ang 52-anyos nga lalaki sang na-hit-and-run sang green nga van sa Barangay Batuan, Pototan subong nga kaagahon.

Nagamaneho sang tricycle ang biktima nga si Pio Petisme Jr. sang nabungguan.

Suno kay Police Staff Sergeant Raffy Gonzales, imbestigador sang Pototan Police Station, bali ang tuo nga tiil ni Petisme kag madamo sang pilas ang iya hitsura bangud ginyudyod siya halin sa natabuan sang aksidente.

Ginabanta sa 500 metros ang kalayuon sang pagyudyod sang salakyan sa biktima halin sa main entrance sang West Visayas State University, Pototan Campus.

Pakadto sa direksyon sa Passi City ang green nga van.