Balay sang OFW sa Pavia, gin-ransack; P4-M nga cash kag P100K nga alahas, napalagyo

By: JoMaque | Enero 21, 2020

Pavia, Iloilo – Ginsulod sang kawatan ang balay sang overseas Filipino worker (OFW) sa Deca Homes Subdivision sa Pavia kagab-i, Enero 20.

Kapin P4- million pesos nga cash kag P100,000 nga balor sang jewelries ang nakuha sa balay ni Yenie Bakial.

Suno kay Police Senior Master Sergeant Goefrey Obaob sang Pavia Police Station, ang utod ni Bakial ang nakadiskubre nga ginsulod ang balay.

Nasulod ang kwarta kag alahas sa attaché case nga nabutang sa idalom sang kama sa kwarto sang balay.

Posible nga nag-agi ang mga kawatan sa sliding window kag ginbuksan ang pwertahan. Natabuan nga wala sang tawo ang balay sang ginsulod.