Mga aktibidad sa Dinagyang 2020, nagsugod na subong nga adlaw

By: Aine Grace Bravo | January 22, 2020

via IFFI

Iloilo City — Nagsugod na ang mga aktibidad sang Dinagyang Festival 2020.

Subong nga gab-i, ginhiwat ang Hala Bira! Baile Dinagyang Arts Festival nga ginpasakupan sang Nila Claravall-Gonzalez School of Classical Ballet; Sol Fernandez School of Dance; The Anne Divinagracia- Sartorio School of Performing Arts; kag Pauline Cordero- Dingcong School of Performing Arts.

Masugod naman buwas ang labing una nga Batchoy Festival, kag ang Ilonggo Food Festival nga matakup sa Enero 26.

Mahibaluan man buwas kun sin-o ang koronahan nga Miss Iloilo.

May Musical Drone Lights Show; Fireworks Display; Tambor, Trumpa, Martsa Musika kag Fluvial Procession sa Biernes, samtang sa Sabado ang Dagyang sa Calle Real.

Mangin highlight sa Dominggo ang Dinagyang 360 Degrees nga pasakupan sang walo ka school-based tribes.