Mag-live in partner, dakup sa drug buy bust operation sa Leganes; Masobra tunga sa milyon nga balor sang suspected shabu, na-recover

By: JoMaque | Enero 23, 2020

Leganes, Iloilo—Dakop sa buy bust operation ang mag-live in partner sa Purok 5, San Vicente Leganes las 11:45 kagab-i, Enero 22.

Suno sa team leader sang RDEU, ginkilala ang mga subject kanday Isagani Basbaño, 47-anyos sang San Lucas Barotac Viejo kag ang iya live-in partner nga si Shiela Mae Alvarez, 33-anyos sang Boulevard, Molo.

Nabaklan ang mag-live in partner sang isa ka bulto sang suspected shabu balor nga P35,000.

Na-recover pa gid sa duha ang 16 ka bulto sang suspected shabu nga nagabalor masobra sa P500,000.

Suno sa team leader, natalana ibaligya sang mag-live in partner ang items sa Dinagyang Festival nga halin pa sa Muntinlupa City.