Installer sang tarpaulin sang Telecommunication Company, nakuryente

By: JoMaque | Enero 25, 2020

Iloilo City—Gindala sa ospital si Emar Dionson, 20-anyos sang Bacolod City sang nakuryente samtang nagatakod sang tarpaulin sang telecommunication company sa Bonifacio Drive, City Proper pasado las 11:00 subong nga gab-i, Enero 24

Nasalapay ni Dionson ang open wire sang poste samtang nagatakod sang tarpaulin billboard sa ibabaw sang building kag nahulog sa concrete floor.

May dugo nga naguwa sa ilong ni Dionson kag may pilas sa ulo kag paso sa butkon nga concious nga gindala sa ospital.

Bangud sa natabo, gin-brownout sang PECO ang area sang General-Luna kag Bonifacio Drive, City Proper para ma-rescue si Dionson.