ICPO, nagpasalamat sa kooperasyon kag paghangup sang publiko sa bag-o lang natapos nga Dinagyang Festival

By: Aine Grace Bravo | January 27, 2020

via Hotline

Iloilo City — Nagapasalamat ang Iloilo City Police Office (ICPO) sa kooperasyon kag paghangup sa hu-ol sa publiko nga nag-sadsad sa Dinagyang Festival.

Gintumod ni ICPO Spokesperson PCT Shella Mae Sangrines, ang istrikto nga inspection sa kada personnel screening area (PSA) antes magsulod sa activity areas sang kahiwatan.

Gin-ako ni Sangrines nga wala na nag-isyu sang resibo sa mga items nga ginbilin ukon gin-safekeeping sa PSA bangud nagalaba lang ang pila. Sa baylo, ila ini nga gina-log agud mga mabalikan sang mga tag-iya.

Sa mga items naman pareho sang perfume bottles kag liniment oil, gin-athag ni Sangrines nga boluntaryo ang mga ini ginbilin sang tag-iya sa kahangawa nga puwede magamit ang botelya sa paglampos kun magluntad nga gamo.

35 ka mga pakete sang sigarilyo, 116 ka lighters, pito ka posporo, duha ka gunting, tatlo ka shavers, isa ka cutter kag isa ka kutsilyo, ang gin-safekeeping sang Police Station 1.