Retired NBA star Kobe Bryant kag iya 13-anyos nga bata, napatay sa helicopter crash sa California

By: JoMaque | Enero 27, 2020

California – Napatay si basketball star Kobe Bryant, 41, sang nag-crash ang ginasakyan nga helicopter sa Calabasas, California sa report sang TMZ kahapon las-10 sang aga, oras sa Pilipinas.

Suno sa TMZ, naga-travel si Bryant kag may pito ka mga kaupod nga nagasakay sa iya private helicopter sang nag-crash sa nasambit nga lugar.

Gin-report sang Los Angeles County Sheriff nga lima ang napatay sa pag-crash sang helicopter sa Calabasas kag wala sang survivor.

Lakip man sa napatay ang 13-anyos nga bata nga babaye ni Kobe nga si Gianna.

Gina-imbestigaran pa ang gintunaan sang pag-crash sang helicopter.