By: JoMaque | Enero 28, 2020

Iloilo City — Handa nga magpasakop sa Liwan Fiesta ang Tribu Paghidaet nga nag-kampeon sa Dinagyang 360° Ati tribes competition sang Dinagyang Festival 2020.

Suno kay Dr. Teresita Militar, principal sang La Paz National High School kag tribe manager, naka-depende ini sa mangin desisyon sang Iloilo Festivals Foundation Incorporated (IFFI) kag Iloilo City Government.

Ginpahayag ni Militar nga indi sila magbaton sang imbitasyon halin sa iban nga lugar kun wala sila nakapakig-angut sa IFFI kag city government bilang kurtesiya.

Pananglitan ipadala ang tribu sa Aliwan Fiesta, ginpasiguro ni Militar nga preparahan gid nila ini bangud dalagko nga mga festivals sa bilog nga pungsod ang ila makontra.

Ang Aliwan Fiesta nga gina-organisar sang Manila Broadcasting Company (MBC), nga nagapanag-iya sang Aksyon Radyo Iloilo, ginapasakupan sang nagkalain-lain nga festivals sa pungsod.