DOH-6, nagkumpirmar nga may gina-monitor nga pasyente halin sa China bangud may hilanat sang nag-abot sa Iloilo City

By: Aine Grace Bravo | January 29, 2020

via BBB

Iloilo City — Ginkumpirmar ni Dr. Jane Juanico, head sang infectious disease section sang Department of Health-Center for Health Development (DOH-CHD) sa Western Visayas nga may tatlo ka tuig nga bata halin sa China nga nagpakunsulta sa ospital sa siyudad bangud ginhilanat.

Ginpahayag ni Juanico nga hugot ang ila pagpakig-angut sa Western Visayas Medical Center sa diin gin-refer ang pasyente kag may himuon pa nga mga tests sa bata.

Ginpanugyan man ni Juanico sa publiko nga indi gilayon magpati sa mga nagalapta nga impormasyon.

Ang pahayag ginhimo ni Juanico kasunod sang paglapta sang mensahe sa social media nga may ginasuspetsahan nga kaso sang coronavirus sa siyudad.