Inter-Agency Task Force para sa mga Infectious Diseases, ginbuhi sang DOH agud matutukan ang N-CoV

By: JoMaque | Enero 29, 2020

Liwat ginbuhi sang Department of Health ukon DOH ang Inter-Agency Task Force for the Management of Emerging Infectious Diseases.

Ini kasunod sang novel coronavirus scare nga naghalin sa Wuhan City, China.

Ang amu nga task force ang ginabug-usan sang mga opisyal halin sa nagkalain-lain nga ahensya sang gobyerno kalakip ang DOH, Department of Foreign Affairs ukon DFA, Department of Interior and Local Government ukon DILG, Deparment of Labor and Employment ukon DOLE, Civil Aeronautics Board ukon CAB, Overseas Workers Welfare Administration ukon OWWA, Philippine Overseas Employment Administration ukon POEA kag Civil Aviation Authority of the Philippines ukon CAAP.

Sa pinakaulihi nga report halin sa National Health Commission sang China, 106 na ang nagkalamatay sa coronavirus.

Sa Pilipinas, 27 ang “persons under investigation” ukon PUIs ukon ginasuspetsuhan nga kaso sang N-CoV.

Ginklaro naman sang DOH nga wala pa sang kumpirmado nga kaso sang virus sa pungsod.