Mga estudyante sang Hua Siong College of Iloilo nga nagbiyahe sa China, wala pa nakabalik kasunod sang N-CoV outbreak

By: Aine Grace Bravo | January 29, 2020

via Brian Valle

Iloilo City — Wala pa nakabalik sa Iloilo ang indi magsobra 10 ka mga estudyante sang Hua Shiong College of Iloilo nga nagkadto sa China.

Suno kay Dr. Roland Furtuna, OIC sang City Health Office, may mga estudyante nga naglagaw, apang diri lang sa Pilipinas kag indi na sila kinahanglan i-quarantine bangud wala man sila sang history sa pagbiyahe sa China.

Nag-abiso man ang CHO sa Hua Shiong nga i-hold ang pagbalik sang estudyante samtang wala sang clearance.

Gin-athag ni Dr. Furtuna nga wala pa sang confirmed cases sang Novel Coronavirus sa Iloilo.