PAHAYAG SANG AKSYON RADYO-ILOILO SA PAG-HOLD SANG IFFI PUBLICITY COMMITTEE SANG DINAGYANG 2020 COVERAGE IDs SANG MGA AKSYON RADYO REPORTERS

Naintiendihan namon nga may mga konsekwensiya ang kada hulag ukon buhat. That is why you never heard us raise this as an issue. We would have just let this pass quietly even when the normal reaction would have been to feel bad, when the dignified thing to do was to question the inequity.

Pero bangud sa madamo nga mga pamangkot sa text, sa mga private messages sa social media kag sa personal nga mga encounters sang aton mga kaupod sa aton nga mga tagpalamati, may daku nga pagkinahanglan nga athagon ang pila ka mga bagay-bagay.

Luyag una nga athagon sang AKSYON RADYO-Iloilo nga NANGIN BUG-OS ANG AMON PAGSAKDAG sa tanan nga hilikuton sang Dinagyang Festival 2020 sa pagdumala sang Iloilo Festivals Foundation, Incorporated (IFFI). Nakita, nabasahan kag nabatian ini sa mga news items, FB posts kag matag-adlaw nga updates sa mga programa sang estasyon—binulan antes, samtang kag bisan pa gani sa pagtakup sang kahiwatan. Gindoble namon sa 12 ka spots ang ginpangayu nga anum lang ka spots sang pasayud sang Dinagyang kag wala na namon ginbaton ang P20,000 nga cash subsidy para sa mga media outlets.

Nga-a bala GIN-HOLD sang IFFI Publicity Committee ANG NAPIRMAHAN na (as of January 23) nga mga Dinagyang coverage IDs sang taga-Aksyon Radyo Iloilo?

Ang IFFI ginbulos sa ILOILO DINAGYANG FOUNDATION, INC. (nga nangin tagdumala sang Dinagyang humalin pa sang 1989, na-untat sang 1992 tubtob 2000 kag liwat nga nagdumala halin 2000 hasta 2019 kag nagpakilala sang Dinagyang sa bilog nga kalibutan). Sang nagbalik-pungko si Mayor Jerry Treñas sang nagligad nga tuig gilayon niya gin-anunsiyar ang pagpabulos sang IFFI sa IDFI.

PARA sa Dinagyang 2020, ang Publicity Committee gintugyan sa pagpamuno ni Dr. Rogelio Florete nga tag-iya sang Bombo Radyo. Ginpasalig sang AKSYON RADYO-ILOILO ang lubos nga pagsakdag sa tanan nga hilikuton agud ma-promote ang Dinagyang 2020.

Halos tanan nga meetings lunsay sa Bombo Radyo Holdings ang venue. Gin-ayu namon sa mga may direkta nga kontak sa IFFI Publicity Committee nga kon puwede sa media lounge sang Iloilo City Hall lang hiwaton ang mga meetings—IMBES nga sa BOMBO RADYO HOLDINGS GID para indi man mangin masaw-a sa amon kag sa iban pa nga mga katapu sang media. Madamo ang may nangin katulad man nga opinion kag sentimyento.

Ginpa-utwas ini nga sentimyento sang Aksyon Radyo Iloilo sa ngalan sang propesyonalismo kag etiketa—mga prinsipyo nga ginpaabot namon isa-alang-alang sang Publicity Committee kag sang bilog nga IFFI Board. We believe the primary task was to formulate, harmonize, organize and execute promotion efforts for the Dinagyang. The focus should have been the event. The interest should have been selfless, not vested. It was very unfortunate that the IFFI as a whole either didn’t anticipate or simply chose to ignore and not act on these concerns.

Sang Enero 23—DUWA KA ADLAW NA LANG antes sang natalana nga mga coverages para sa Dinagyang 2020—gin-athag sang Iloilo City Hall PIO nga indi nila ma-release ang mga PIRMADO NA nga coverage IDs sang mga taga-AKSYON RADYO Iloilo santu sa instruksyon sang IFFI Publicity Committee TUNGOD INDI KAMI “KUNO” INTERESADO SA PAG-COVER.

Kon indi kami interesado sa pag-cover ngaa pa bala nag-submit kami sang application para maisyuhan sang mga ID (indi pa bala ini maathag nga interes?) Kon napirmahan na ang amon mga IDs indi bala buot silingon na-establisar na nga kwalipikado kami para mag-cover? Sa pagkamatuod ara na sa accredited media list ang mga ngalan sang amon reporters.

Ano gid bala ang pagkinahanglan nga didto gid dapat sa Bombo hiwaton ang mga meetings sang IFFI Publicity Committee? Ngaa bala ginpirmahan pero GINBAWI ang coverage IDs sang Aksyon Radyo Iloilo? Wala bala sang mahimo ang IFFI Board agud nga baliskaron ang nangin desisyon sang chairman sang ila Publicity Committee? Ano bala ang nahimo sang local nga pamunuan sang siyudad?

Kay sin-o bala interes ang ginpapangibabaw? Nabenepisyuhan bala ang pumuluyo sang siyudad sa mga hitabu nga ini?

Ang mga nagkalahanabu nangin testamento sa kinaadman, work attitude kag teamwork sang AKSYON RADYO Iloilo. We never raised a whimper. We did not complain. Nagpaninguha kami nga mag-cover bisan alang-alang, bisan indi kami makapuwesto sa stage. Ang coverage team sa Judging Area No. 2 may pahanugot sang Iloilo provincial Government—pero bisan ini ginkwestyon pa. Ginbatas sang kadam-an sang amon mga reporters nga magtindug kag magpa-init sang sa magpungko kag magpahandong sa mga stage sa paghangup nga may obligasyon kami sa amon tagpalamati.

Ill-will and vile intentions made the men and women of AKSYON RADYO Iloilo once again find strength in each other. Such adversity only made us stronger.

Kon nagkulang man ang amon pagpaninguha sa tunga sang mga sirkumtansiya, gina-ayu namon ang inyo paghangup.

Luyag namon pasalamatan ang mga nagtan-ay sang paghangup kag nagbulig agud mapahagan-hagan ang amon kabudlay. Indi namon paglawagon ang inyo mga ngalan pero nagapasalamat kami sang bug-os for making our burdens lighter.

We thank our colleagues who saw the danger of a forest fire emerging and remembered the follies of Pastor Martin Niemoller.