Iloilo City Mayor Jerry Treñas, nagpaguwa sang advisory agud malikawan ang virus sa syudad

By: Aine Grace Bravo | January 31, 2020

via Jeremae Ventar

Iloilo City — Nagpaguwa sang sang Novel Coronavirus advisory si Mayor Jerry Treñas.

Sa iya advisory, gina-abisuhan ang publiko nga mag-practice sang health safety measures pareho sang paghugas sang kamot, pagsuksok sang medical mask, pag-dispose sang mga tisyu sang ensakto, paglikaw sa mga nagamasakit , kag paglikaw sa masami nga pagtandog sang mata, ilong kag baba.

Ginahinyo man ang mga community leaders nga maghiwat sang active case surveillance paagi sa barangay health emergency teams, partikular na ang barangay health workers sa pag-identify sang mga naga-abot sa syudad halin sa mga pungsod nga apektado.

Tanan naman nga mga health activities kag health centers ang ginmanduan nga mangin alerto kag mag-report gilayon sang tanan nga suspected cases sa sulod sang 24 ka oras sa Department of Health Region 6.