Senior citizen, bangkay na sang nasapwan sa Iloilo City

By: Aine Grace Bravo | January 31, 2020

via Jorge Cabrera

Iloilo City — Nasapwan nga patay si Eduardo Perales, 77 anyos sang Zone 4, Calumpang, Molo, sa bakante nga lote sa Tanza Baybay, City Proper pasado las-tres kaina sang hapon.

Suno kay Lilibeth nga umagad ni Perales, nakita niya pa si Perales nga naglabay sa ila balay mga las-nueve tubtob las-10 kaina sang aga.

Masami suno sa iya nga nagalakat si Perales kag nagakadto sa iya mga kilala.

May hapo kag hypertension si Perales, suno pa kay Lilibeth.

Nag-abot sa area ang SOCO team agud mag-imbestigar kun ano ang gintunaan sang kamatayon ni Perales.