WVRAA Meet 2020 sa Aklan subong nga bulan, gin-postpone

By: Aine Grace Bravo | February 4, 2020

via Aljohn Torreta

Iloilo City — Gin-postpone sang Department of Education (DepEd) 6 ang Western Visayas Regional Athletic Association (WVRAA) Meet 2020 nga natalana kuntani hiwaton sa Aklan sa Pebrero 15 tubtob 22.

Suno kay DepEd 6 Spokesperson Lea Belleza, ginhimo ang desisyon para sa safety sang mga atleta kag mga coaches sa tunga sang concern sa 2019 novel Coronavirus Acute Respiratory Disease. Wala pa sang bag-o nga schedule sang sporting event.

Kapin 6,000 ka mga atleta kag coaches ang mapasakop kuntani sa WVRAA Meet 2020.

Una na gin-anunsyar ni Antique Governor Rhodora Cadiao nga indi sila magpadala sang mga atleta kag coaches sa WVRAA Meet bangud man sang concern natuhoy sa n-CoV.