2 patay sang nakabunggo ang ila ginasakyan nga motorsiklo sa puno sang mahogany sa Sta. Barbara

By: Aine Grace Bravo | February 7, 2020

via Francisco Enar

Sta. Barbara, Iloilo — Patay na sang nasapwan sa kilid sang karsada ang mag-abyan nga sakay sa motorsiklo kahapon sang aga.

Ginkilala sanday Jose Roy Calugas, 23 sang Brgy. Duyan-Duyan, Sta. Barbara, kag Jenel Pinuela, 24 sang Brgy. Cadagmayan Norte, Sta. Barbara.

Pareho nga may pilas sa ulo ang duha kag wala sang helmet sang nakita ang mga biktima.

Suno kay PSSg Francis Guaro, imbestigador sang Sta. Barbara Police Station,  gindul-ong ni Calugas si Pinuela sa Cadagmayan Norte sang nakabungo ang ila ginasakyan nga motorsiklo sa mahogany.