6 barangay halls sa Iloilo City, natukiban nga sirado sa inspection sang City DILG

By: Aine Grace Bravo | February 7, 2020

via Jeremae Ventar

Iloilo City — Anum ka mga barangay sa siyudad ang natukiban nga sirado ang mga barangay halls sang nag-inspection para sa clearing operation ang taga-Department of Interior and Local Government ukon DILG.

Sirado ang barangay hall sang Bonifacio, Arevalo sang Enero 29; Calajunan, Mandurriao sang Enero 30; PHHC Block 17, Mandurriao sang Enero 30; Sta Rosa, Mandurriao sang Enero 30; South Baluarte, Molo sang Enero 31; Salvacion Habog-Habog, Molo sang Pebrero 4.

Pangayuan sang paathag sang DILG sa sulod sang tatlo ka adlaw ang mga officials sang nasambit nga barangay.

Suno kay city DILG Director Roy Defiño, hibaluon niya ang rason sang mga barangay officials antes desisyunan kun papanaugan sang sanctions.