Ospital sa Lambunao, gin-preparar sang Iloilo Prov’l Gov’t nga mangin isolation room sa tiun may spillover sang nCoV sa probinsya

By: JoMaque | Pebrero 6, 2020

Iloilo — Gin-preparar na sang Iloilo Provincial Government ang Dr. Ricardo Y Ladrido Memorial District Hospital sa Lambunao nga mangin hospital isolation room sa ti-on nga mag-spillover ang 2019 novel coronavirus-acute respiratory disease (nCoV ARD) sa probinsya.

Suno kay Hospital Management Office (HMO) Head Dr. Cynthia Cabangal-Ng, iga-cater sang hospital isolation room ang mga persons under investigation (PUI’s).

Ginpili ang hospital sa Lambunao nga mangin hospital isolation room bangud may anum ka isolation units kag kapable maghatag sang extension rooms.

Gindugang pa ni Ng, sa ti-on nga magdamu ang PUI’s posible nga i-transfer ang iban nga mga pasyente sang mga ospital sa iban nga district hospitals sa probinsya.