Ambulansya sa Concepcion nga maresponder sa lalaki nga ginsungay sang baka, nakabunggo sang motorsiklo

By: JoMaque | Pebrero 7, 2020

Concepcion, Iloilo- Na-ospital si Ramy Asumbra, driver sang motorsiklo, kag iya sakay nga manunudlo nga si Myrose Albior, lunsay mga residente sang Brgy. Malayu-an, Ajuy, sang nabungguan sang nagasunod nga ambulansya sang banwa sang Concepcion nga maresponder sa emerhensya.

Suno kay PSSg Mark Gregory Barbo, imbestigador sang Concepcion MPS, ginamaneho ni Jay-ar Diaz ang ambulansya sang nabungguan ang motorsiklo sa Brgy. Batiti, Concepcion.

Padulong ang ambulansya sa Sitio Nangca, Brgy. Calamigan, Concepcion las 5:45 kaina sang hapon sang natabu ang aksidente.

Suno kay PSSg Barbo, maresponder ang ambulansya kay Rex Ploegio nga ginsungay sang iya ginalawig nga baka.

Gindala man sa ospital si Ploegio nga may pilas sa dughan.