Lalaki nga nakainom kag nagapahuway sa waiting shed sa Janiuay, ginbuno patay

By: Aine Grace Bravo | February 11, 2020

via Francisco Enar

Janiuay, Iloilo — Patay na si Jose Glenn Vincent Barranco, 47 anyos sang Brgy. Abangay, Janiuay, sang ginbuno kag naigo sa wala nga kamot kag wala nga parte sang dughan.

Gindala pa sa ospital si Barranco, pero wala natabangan.

Arestado naman ang suspetsado nga si Leo Arca, 43 anyos sang Brgy. Mangil, Janiuay.

Na-recover sa crime scene ang kutsilyo.

Posible suno sa Janiuay police nga nasal-an sang suspek ang biktima nga amo ang nagkastigo sa iya sa namatyan.

Suno kay Police Corporal Pio Estampador, imbestigador sang Janiuay Police Station, nagamaneho sang motorsiklo ang biktima kag pauli na pero nagpahuway-huway sa waiting shed.

Halin naman ang suspek sa namatyan sa diin siya nakastiguhan kag papuli na sang nakita ang biktima nga iya ginpalapitan kag ginbuno.