1 patay, 2 pilason sa vehicular accident sa Pototan

By: JoMaque | Pebrero 12, 2020

Iloilo—Isa patay kag duha ang pilason sang nagbungguanay ang motorsiklo kag Nissan Navara sa Barangay Polot-an, Pototan subong nga gab-i.

Dead-on-arrival sa ospital ang driver sang motorsiklo nga si Lifedin Parian, 25-anyos sang Barangay Tumay, Mina samtang pilason ang duha ka backrider niya nga sanday Reniel Rizano Desierto, 18-anyos kag Jenuel Camiros Galvez, 30-anyos.

Suno kay Police Staff Sergeant Raffy Gonzales, imbestigador sang Pototan Police Station, gulpi lang nagliko ang motorsiklo kabangdanan wala gilayon natalupangdan sang driver sang pick-up rason sang pagbungguanay.

Halin sa kafiestahan sang Barangay Bongco ang mga biktima.

Gin-custody naman sang Pototan Police ang driver sang pick-up nga si Richard Causing, 39-anyos sang Pinay, Espinosa, Ajuy.