Backhoe operator, ginbuno patay sa Guimbal

By: JoMaque | Pebrero 12, 2020

Iloilo—Patay ang backhoe operator sang ginbuno sa Guimbal kagab-i, Pebrero 11.

Ginkilala ang biktima kay Romdic Rey Dela Cruz nga napilasan sa wala nga parte sang iya dughan.

Nasapwan na lang nga dugu-on ang biktima sang iya kaupod sa construction site.

Gindala pa ang biktima sa ospital apang napatay.

May ginasunod na nga suspect ang Guimbal Police sa nagpatay sa biktima.

Antes ang insidente, ginpahayag nga naga-inum-inum ang biktima kag ang suspek.

Suno sa Guimbal Police, posible may kalain sang buot ang suspek sa biktima kabangdanan ginbuno niya sang nahubog.