DILG secretary, nagkumpirmar nga nalakip sa narco-list si PLTCOL Jovie Espenido nga ginakabig poster boy sa war on drugs sang administrasyon

By: Aine Grace Bravo | via Philstar

MANILA, Feb. 14, 2020 — Ginkumpirmar ni Interior and Local Government Secretary Eduardo Año nga nalakip sa narco-list ni Presidente Rodrigo Duterte si PLTCOL Jovie Espenido.

Sa Viber message sa mga katapo sang media sa Manila, ginkumpirmar ni Año ang pagkalakip ni Espenido sa listahan.

Magapaidalum ang opisyal sa imbestigasyon sa posible kaangtanan niya sa illegal drug trade.

Isa si Espenido sa 357 ka pulis nga yara sa ikaduha nga batch sang mga opisyal nga ginadudahan naangut sa druga.

Gindugang ni Año nga madugay na nakahibalo si Duterte sang pagkalakip ni Espenido sa listahan, pero indi lang klaro kun nahibaluan na ini sang pangulo sang ginpahamtang niya si Espenido bilang deputy chief for police operations sa Bacolod City sang Oktubre 2019.