Ceres bus, natumba sa San Joaquin, 29 sa 39 ka pasahero, na-ospital

By: Aine Grace Bravo | via Jorge Cabrera

SAN JOAQUIN, Ilo., Feb. 15, 2020 — Gindala sa ospital ang 29 sa 39 ka mga pasahero sang bus nga na-aksidente sa Brgy. Qui-anan, San Joaquin las 10 kaina sang aga.

Suno kay PCPT Robert Jayson Pancha, hepe sang San Joaquin MPS, ginkilala pila sa mga biktima kanday Juvy Nietes, Ma. Herma Sevilleno, Rose Sevilleno, Rica Sevilleno, John Vincent Jaruda, Shel Bolante, Maricon Sevilleno, Serafin Lazamot, Jodelyn mar Jimena, Marty Imbido, Joeven Osorio kag Vince Osorio.

Halin sa Antique kag pakadto sa Iloilo ang bus nga ginamaneho ni Vicente Fandagani, 44-anyos sang Brgy. Escalantera, San Joaquin.

Ginpabutyag ni Fandagani nga nadulaan siya sang control sa manibela pag- abut sa kurbada nga dalan rasun nga na-aksidente.

Yara na sa kustodiya sang San Joaquin police ang driver sang bus.