Lalaki nga nagabisikleta, patay sang nasagairan sang Ceres bus sa Pototan

By: Aine Grace Bravo | via Angel Mae Ciudad

POTOTAN, Ilo., Feb. 15, 2020 — Patay ang 59-anyos nga lalaki sang na-side swipe sang Ceres bus sa Barangay Cahaguichican, Pototan las 10:30 kaina sang aga.

Ginkilala ang napatay kay Edmundo Artesona sang amo man nga lugar.

Suno kay PSSg Raffy Gonzales, imbestigador sang Pototan MPS, nagasundanay ang Ceres bus nga ginamaneho ni Robert Bernales kag ang bisikleta nga ginasakyan ni Artesona sang natabu ang aksidente.

Gin-detain sa Pototan Police Station si Bernales.