“Flexi time” sang mga regular employees sang City Government, gin-aprubahan ni Mayor Treñas

By: Aine Grace Bravo | via Firingline

ILOILO CITY, Feb. 18, 2020 — Gin-aprubahan ni Mayor Jerry Treñas ang flexible time para sa mga regular employees nga ginhingyo sang Resource Employees Association of City Hall (REACH).

Suno kay REACH President Atty. Richard Jeruta, ginhingyo nila ang flexi time agud indi mabuhinan ang leave credits sang mga empleyado.

Base sa pagsulundan, pwede ma-compensate sang regular employee ang iya late nga pag-time in sa aga paagi sa pag-extend sang duty sa hapon, antes mag-time out.

Pero dapat indi maglapaw sa 30 minutos ang late, kag wala nalakip ang late nga sulod sa hapon suno kay Jeruta.

Indi man sakup sang flexi time ang mga job hires.