Mga miembro sang E-ROI, ginpasidunggan sa Kapitolyo

By: Aine Grace Bravo | via Mario Gelongo

ILOILO, Feb. 18, 2020 — Ginhatagan sang labing una nga “Scout Roy” commendation ang mga miembro sang Emergency Responders of Iloilo bangud sa ila serbisyo sang Dinagyang Festival 2020.

Ginhatag ang award pagkatapos sang flag ceremony sa Provincial Capitol kahapon sang aga.

Kaupod ni Governor Arthur Defensor Jr nga naghatag sang award sanday Provincial Disaster Risk Reduction and Management Office chief Dr. Jerry Bionat kag Board Member Rolly Distura.

Ginbuyagyag sang gobernador nga plano niya buhion ang provincial guards sa idalum sang Provincial Civil Defense Group, nga indi lang magaserbe nga security personnel sang Provincial Capitol, kundi magaresponder man sa tiun sang kalamidad ukon emerhensya.