ICPO, wala pa sang klaro nga guidelines sa pag-operate sa mga nagasugal sa namatyan

By: JoMaque | Pebrero 19, 2020

ILOILO CITY – Wala pa sang maathag nga guidelines ang Iloilo City Police Office kun pila ka lamesa ang pasugtan nga makasugal sa namatyan.

Gin-athag ni ICPO Spokesperson PCPT Shella Mae Sangrines nga indi exempted ang namatyan sa anti-illegal gambling operations sang mga pulis, pero nagahatag sila konsiderasyon.

Samtang wala sang klaro nga guidelines halin sa PNP headquarters suno kay Sangrines, ginakonsiderar nila kag wala ginadakup kun isa ukon duha ka lamesa lang ang nagasugal, kag indi gid daku ang pusta.

Tuyo suno kay Sangrines sang mas istrikto nga pagpatuman sang Anti-Gambling Law nga mauntat sa ulihi ang pagsugal sa mga namatyan, kun lubos na nga ma-edukar ang publiko.