Liga ng mga Barangay President Irene Ong, ginatugyan sa DILG ang mangin kapalaran sang mga punong barangay nga wala naga-kooperar sa road clearing

By: JoMaque | Pebrero 20, 2020

Iloilo City — Yara na sa kamot sang Department Of Interior and Local Government (DILG) ang mangin kapalaran sang mga punong barangay nga wala naga-kooperar sa clearing operation sa ila tagsa ka mga lugar.

Ini ang pahayag ni Iloilo City Liga ng mga Barangay president Ma. Irene Ong matapos ang liwat nga validation sang DILG pinaagi sa barangay-based clearing operation.

May duha ka kahigayunan sa diin ipaidalom sa evaluation ang mga barangay suno kay Ong kag kun mapamatud-an nga wala sang pag-asenso ang sitwasyon sang clearing, mahimo magpangatubang sang kaso administratibo ang punong barangay.

Dugang ni Ong wala sila nagkulang sa pagpahanumdom sa mga kapitanes sa siyudad kag nakahibalo na sila sang ila himuon kag konsekwensya sang ila katungdanan.