PCOL Eric Dampal, nagsugod na pangalagad nga ICPO Director

By: Aine Grace Bravo | via Brian Valle

ILOILO CITY, Feb. 20, 2020 — Nagpangalagad na ang bag-o nga director sang Iloilo City Police Office.

Ginhiwat kaina sa ICPO headquarters ang turnover of command ceremony sa pagpanguna ni Police Regional Office 6 Director PBGEN Rene Pamuspusan.

Nagpungko nga bag-o nga ICPO director si PCOL Eric Dampal, halin sa Davao region.

Ginbuslan ni Dampal si PCOL Martin Defensor Jr. nga gin-promote nga chief sang Directorial Staff sang PRO 6 kasunod sang pagkapatay sang head nga si PCOL Marlon Tayaba bangud sa balatian.

Nagpanawagan naman si Dampal sang kooperasyon sang publiko kag bulig agud mabatuan ang anuman nga klase sang iregularidad kag ilegal nga mga buluhaton.