Barangay kagawad sa Molo, arestado bangud sa pagpataya sang bookies; kagawad, nanginwala nga involved siya sa illegal gambling

By: Aine Grace Bravo | via Jorge Cabrera

ILOILO CITY, Feb. 21, 2020 — Dakup ang barangay kagawad sa anti-illegal gambling operation sang Molo police kaina sang hapon.

Ginkilala ang nadakpan kay Infante, Molo Barangay Kagawad Pepito Avelino, 62 anyos.

Suno kay PMAJ Engelbert Banquillo, hepe sang Molo Police Station, nakuha kay Avelino ang mga cotejo kag masobra P1,000 nga kwarta nga ginapatihan nakolekta sa ilegal nga pataya.

Nagabase suno kay Banquillo si Avelino sa resulta sang STL Guimaras.

Ginpahayag pa ni Banquillo nga pila ka adlaw nila nga gin-monitor si Avelino kasunod sang impormasyon nga nagapataya siya sang bookies.

Nanginwala naman si Avelino sa akusasyon, pero gin-ako nga mayor koridor siya sang una sang naga-operate pa ang STL Iloilo City.