(UPDATE) PLTCOL Jovie Espenido, wala sang kahilabtanan sa illegal drugs sa Western Visayas suno sa PRO 6

By: Aine Grace Bravo | via Brian Valle

ILOILO CITY, Feb. 21, 2020 — “Cleared” si PLTCOL Jovie Espenido sa involvement sa illegal nga druga sa Western Visayas.

Suno ini kay Police Regional Office (PRO) 6 Director PBGEN Rene Pamuspusan.

Ginpahayag ni Pamuspusan nga wala sang reliable information ukon report nga nagahambal nga involved si Espenido sa illegal drugs sa rehiyon.

Si Espenido ang ginkabig nga “poster boy” sa kampanya batok sa illegal nga druga bangud sang iya masupog nga anti-illegal drug operations. Ginkakibot sang halos tanan ang pagkalakip sang iya pangalan sa narco list. ni Presidente Rodrigo Duterte.