‘Limpiyo Iloilo,’ magapadayon kasunod sang paglunsar sang province-wide clean-up drive

By: JoMaque | Pebrero 22, 2020, 10:51am
via Aksyon Iko Elbanbuena

Iloilo — Magapadayon ang Limpiyo Iloilo ukon ang province-wide clean-up drive sa mga banwa.

Suno kay Governor Arthur Defensor Jr., panugod pa lang ang paglunsar sang aktibidad kahapon agud ipahanumdom sa mga residente ang ka-importante sang pagpaninlo sa palibot.

Ginkalipay sang gobernador ang pagpaninguha sang tagsa ka banwa nga mahawanan ang lugar nga may madamo sang basura.

Katuyuan sang programa suno sa gobernador nga matapna ang pagtuhaw sang mga balatian sa panahon sang tig-ululan.