Alkalde sa Dumangas, mapatunga sa problema sang pamilya Poblador kag pari nga ila ginreklamo nagtabog sa ila paguwa sa simbahan

By: JoMaque | Pebrero 25, 2020

Dumangas, Iloilo – (UPDATE) Ginatinguhaan ni Dumangas Mayor Ronaldo Golez nga makatipon sang impormasyon sa reklamo sang pamilya Poblador batuk kay Reverend Father Juan Parreñas nga nagtabog sa ila paguwa sa Dumangas Catholic Church kahapon, Pebrero 23.

Suno kay Golez, mapatunga siya agud masolbar ang problema. Ginatipon na sang alkalde ang mga impormasyon.

Sang Sabado, Pebrero 22, nakabisita pa ang alkalde sa hamyang ni anay Pagdugue, Dumangas Punong Barangay Ananias Poblador.

Ginpahayag sang alkalde nga may kakilala siya kag nakasaksi sang natabu nga nagpanugid sa iya sa nangin aktwasyon ni Parreñas.

Posible suno kay Golez nga may wala pag-intiendihanay nga natabo rason nga istoryahon pa niya ang magtimbang nga kampo.

Una na nagreklamo ang pamilya Poblador nga pagkatapos sang misa, nagpa-picture sila sang makadali pero ginhambalan sila ni Father Parreñas nga magguwa na sa simbahan kag didto na sila magpa-picture.