Balay ni Ajuy Mayor Jett Rojas, ginsulod sang armado nga mga lalaki; alkalde, nagpangabay nga mapangusisa antes maghatag sang pahayag

By: Aine Grace Bravo | via Brian Valle

AJUY, Ilo., Feb. 25, 2020 — Ginsulod sang armado nga mga lalaki ang balay ni Ajuy Mayor Jett Rojas kagab-i, Pebrero 24.

Base sa impormasyon nga nakuha sang Aksyon Radyo news team, lima ka lalaki ang nagsulod sa balay sang alkalde. Pero wala sa balay si Rojas sang natabu ang insidente.

Nagbalibad nga maghatag sang dugang nga detalye ang kabulig, security guard kag bisan mga pulis sa Ajuy santu sa pangabay ni Mayor Rojas. Pero ginkumpirmar sang Ajuy police ang natabu.

Nagpangabay si Rojas nga hatagan siya sang tiun nga makapangusisa antes magpaguwa sang statement.