85 ka Filipinos sa luwas sang pungsod, na-infect sang COVID-19 suno sa DOH

By: Aine Grace Bravo | via DOH

MANILA, Feb. 27, 2020 — 85 ka mga Filipinos sa luwas sang pungsod ang na-diagnose nga may COVID-19, suno kay Health Secretary Francisco Duque.

Base sa record sang International Health Regulations suno sa tiglikum, 80 sa mga infected ang sakay sang Diamond Princess cruise ship sa Japan, duha ang nagatrabaho sa UAE, isa sa Singapore kag duha sa Hong Kong.

Pinakaulihi nga kumpirmado nga kaso ang 29 anyos nga domestic helper sa Hong Kong. Suno sa DOH, una nagpositibo sa viral infection ang employer sang amo nga Pinay.