Natalana nga Liga Congress sa Metro Manila, gindepensahan sang Liga ng mga Barangay-Iloilo Provincial Chapter President

By: Aine Grace Bravo | via Mario Gelongo

ILOILO, Feb. 27, 2020 — Gindepensahan ni Liga ng mga Barangay Iloilo-Provincial Chapter President Dorothy Paes ang ila Liga Congress sa SMX Convention Center sa Metro Manila.

Suno kay Paes, may otoridad sila halin sa Department of Interior and Local Government para sa event nga hiwaton sa Marso 1 tubtob 3.

Masobra 600 ka punong barangay kag Sangguniang Kabataan Chairpersons ang nagpabutyag nga matambung sa Liga Congress.

Ginpahayag ni Paes nga hiwaton ang Liga Congress sa Metro Manila bangud may mga best practices didto nga gusto nila mahibaluan, pareho sang LGU support and policies sa barangay-based in disaster prevention ni Manila Mayor Isko Moreno, kalakip na ang mga Galing Pook awardees sa Metro Manila.

Magabayad sang P19,800 nga registration fee ang tagsa ka participant nga chargeable sa pundo sang barangay.