PLTCOL Jovie Espenido, ginpasumiter sang paathag bangud sa pagbalewala sa gag order sang PNP Chief

By: Aine Grace Bravo | via Aljohn Torreta

KAMPO DELGADO, Feb. 27, 2020 — Ginpasumiter ni Police Regional Office 6 Director PBGEN Rene Pamuspusan sang paathag si PLTCOL Jovie Espenido may kaangtanan sa pagpa-interview sang ulihi sa mga katapo sang media bisan may gag order halin kay PNP Chief PGEN Archie Gamboa.

Ginkumpirmar ni PRO 6 spokesperson PLTCOL Joem Malong nga nagapasa man sang explanation si Espenido kag gin-refer ini sa Regional investigation and Detective Management Division para sa pre-charge investigation. Kun may probable cause, magadepende man sa imbestigador kun ano ang mangin sanction ukon penalidad kay Espenido.

Assign subong si Espenido sa Regional Personnel Holding and Accounting Unit sa PRO 6 kasunod sang pag-relieve sa iya sa Bacolod City Police Office sang nadalahig ang iya pangalan sa narco list ni Presidente Rodrigo Duterte.