4 pulis patay, 28 pilason sang nahulog sa pil-as ang ila ginasakyan nga truck sa Alimodian

By: Aine Grace Bravo | via Angel Mae Ciudad/KhenJo Terco/Farrah Mae Morano

ALIMODIAN, Ilo., Fe. 29, 2020 — Apat sa 32 ka pulis nga sakay sang nadisgrasya nga truck sa Ginomoy, Alimodian kaina sang hapon ang kumpirmado nga napatay.

Ginkumpirmar ni PMS Mary Jane Equilla sang Alimodian Police Station nga tatlo ang napatay bangud sang mga pilas sa ulo nga iya gin-identify kanday PCpl Emerson Peñarubia, Pat. Prince Angelo Supiter kag Pat. Rex Agupitan. Kumpirmado man nga patay si Patrolman Antonio Tumanday.

Suno naman kay PEMS Evie Baclay, deputy chief sang Alimodian Police Station, nahulog sa pil-as ang truck nga ginasakyan sang mga myembro sang 601st Regional Mobile Force Battalion mga la-una sang hapon.

Gindala sa Aleosan District Hospital kag Western Visayas Medical Center ang mga pulis.

Ginkilala ang mga ginpangdala sa ospital kanday Patrolman Palma, Patrolman Corros, Patrolman Aldin Jama, Patrolman Lagura kag Police Captain Myles Dieron; Patrolman James Paul Guilhon, 29 sang Ilog, Negros Occidental, Patrolman  Emerson Luague, 30 sang San Carlos City, Negros Occidental, Patrolman Redgie Bacolar, 39 sang Sara, Iloilo, Patrolman Jay-R Idquilla , 32 sang Kabankalan, Negros Occidental, Pat. Jelon Dairo sang Pulupandan, Negros Occidental, Patrolman Jeb Villanueva, 31 sang Cadiz City, Negros Occidental, Patrolman Allan James Sitchon, 25 sang Pontevedra, Negros Occidental, Patrolman Francis Prudente, 31 sang Silay City, Negros Occidental, Patrolman Armand Bayoneta, Patrolman Noriel Vergara kag Police Captain Bonifacio Alabe Jr.

Katapusan nga nakuha si Alabe bangud napilpilan sang truck, pero conscious siya sang gindala sa ospital.