BFP, may nakalinya nga mga aktibidad para sa pag-obserbar sang Fire Prevention Month
By: JoMaque | Marso 1, 2020
Iga-obserbar ang Fire Prevention Month subong nga bulan.
Suno kay Fire Chief Inspector Melanie Habawel, City Fire Marshall, may nakalinya sila nga mga aktibidad para sa Fire Prevention Month pareho sang motorcade, misa, concert kag recognition.
Tema sang subong nga Fire Prevention Month ang “Matuto Ka, Sunog Iwasan Na.”
13 ka mga fire-prone ukon high risk barangays sa siyudad sang Iloilo ang ginatutukan sang BFP suno kay Habawel.
Makonsiderar suno sa iya nga fire-prone ukon high risk ang barangay kun halos tanan nga balay ang human sa light materials, makitid ang karsada kag mabudlay makasulod ang fire truck kag thickly-populated area.
Ang 13 ka mga fire-prone barangays nga nalakip sa Oplan Ligtas Pamayanan Reloaded 2 sang BFP amo ang;
Cubay, Jaro
Desamparados, Jaro
Taytay Zone 2, Jaro
Balantang, Jaro
Sooc, Arevalo
Sto. Domingo, Arevalo
Alalasan, Lapuz
Rizal, Lapaz
Calumpang, Molo
North Baluarte, Molo
Rizal Milleza, City Proper
Rima Rizal, City Proper
Bakhaw, Mandurriao