ArchivesLokal

Commander sang Regional Mobile Force Battalion, gin-relieve kasunod sang aksidente sa Alimodian nga nagbilin sang apat ka pulis nga patay

By: Aine Grace Bravo | via Aljohn Torreta

ILOILO CITY, March 2, 2020 — Gin-relieve ni Police Regional Office 6 Director PBGEN Rene Pamuspusan ang commander sang Regional Mobile Force Battalion bangud sa aksidente sa Barangay Ginomoy, Alimodian nga nagbilin sang apat ka mga pulis nga patay kag 26 ang nasamaran sang weekend.

Suno kay Pamuspusan, gin-relieve niya kahapon si PLTCOL Leo Batiles, samtang nagapadayon ang imbestigasyon sang PRO 6.

Katuyuan sang imbestigasyon nga mahibaluan ang mga lapses sa aksidente.

Ginbutang nga OIC sang RMFB 6 si Deputy Battalion Commander John Lemuel Villafranca.

Gin-assign naman sa Regional Personnel Holding and Accounting Unit si Batiles.

Napatay sa aksidente sanday PCpl Emerson Peñarubia sang Pototan, Iloilo; Pat. Prince Angelo Supiter sang Batad, Iloilo; Pat. Rex Agupitan sang Sigma, Capiz kag Pat. Antonio Tumanday sang Roxas City, Capiz.