Iloilo City Mayor Jerry Treñas, masapol sa ICPO para sa ipatindog nga 4 ka police stations sa siyudad

By: JoMaque | Marso 2, 2020

Iloilo City — Masapol si Mayor Jerry Treñas sa Iloilo City Police Office (ICPO) para sa ipatindog nga apat ka police stations sa siyudad.

Suno sa alkalde, strategic nga mga areas ang patindugan sang apat ka police stations.

Ang Bo. Obrero, Lapuz ang may yara na sang patindugan kag diutay na lang ang ulubrahon, ang Calumpang, Molo ang may area naman, Sambag, Jaro nga ginaagyan pasulod sa siyudad, kag Balabago, Jaro bangud circumferential road kag patindugan sang SM.

Ginapangitaan pa sang siyudad sang pondo ang dugang nga police stations.

Ginpahayag ni Treñas nga may surplus nga 400M pesos kag 150M pesos halin sa special education fund ang siyudad.