Mga aktibidad para sa Earth Hour sa Marso 23, ginpa-iway sang DENR bangud sa COVID-19

By: JoMaque | Marso 5, 2020

Iloilo City — Ginpaiway sang Department of Environment and Natural Resources, Environmental Management Bureau ukon DENR-EMB Region VI ang mga aktibidad para sa “Earth Hour” sa Marso 23 dala sang kabalaka sa 2019 coronavirus disease ukon COVID19.

Ini agud malikawan ang person-to-person transmission sang virus.
Sa pihak sini, nagapangabay sa gihapon ang EMB-6 sa publiko nga mapakigbahin ang sa global lights off ukon ang dululungan nga pagpatay sang suga sa ila mga panimalay kag opisina sa Marso 28, alas 8:30 tubtob alas 9:30 sa gab-i.

Ang isa ka oras nga pagpatay sang suga, isa ka “commitment” nga pangapinan ang planeta. Ang Earth Hour ginakabig nga worldwide movement kag tuigan nga gina-obserbar.