Transport Group ICLAJODA, indi magpasugot nga ma-extend ang ruta sang SM-City Proper sa Megaworld

By: JoMaque | Marso 5, 2020

Iloilo City — Wala gintun-an ang pag-extend sang ruta sang SM City Proper nga mga jeep tubtob sa Megaworld Avenue.

Ini ang ginpatbuyag ni Iloilo City Loop Alliance of Jeepney Owners and Drivers Association (ICLAJODA) President Raymundo Parcon.

Suno kay Parcon, magapugok ang trapiko sa Megaworld Avenue kun pasudlan pa sang SM City Proper nga jeep bangud masulod man sa area ang Leganes Highway, Oton Anhawan, kag posible ang Ungka ITGSI nga mga jeep.

Ma-apektuhan suno kay Parcon ang kita sang mga drivers nga ma-atrasar sa ila pagbalik sa SM City kun magpugok ang trapiko sa Taft North, Mandurriao.

Kun magsugod na ang experimentation sang Public Safety and Transportation Management Office, madiretso ang SM City Proper jeep sa Megaworld antes magbalik sa SM City. Kun nagadali ang pasahero, makapanaug siya sa Strata agud magkadto sa SM City. Pero daku nga huol ini sa pasahero kag bisan sa mga drivers suno pa kay Parcon.

Ginpabutyag ni Parcon nga indi man sila magpasugot sa pag-extend sang ruta sang SM City Proper bangud masaklam nila ang ruta sang SM City Mandurriao.