Iloilo RTC Branch 23, nagpagwa sang court order nga respetuhon ang Addendum sa Writ of Possession

By: JoMaque | Marso 7, 2020

Iloilo City—Nagpagwa sang court order ang Regional Trial Court Branch 23 ni Judge Emerald Requina-Contreras nga respetuhon ang Addendum sa Writ of Possession.

Base sa court order, kinahanglan sang MORE Electric and Power Corporation kag Panay Electric Company nga respetuhon ang Addendum sa Writ of Possession nga gin-issue sang korte samtang ginahulat ang verification sa status sang CPCN sang duha.

Bangud wala naghisugot ang MORE Power kag PECO sa ‘transition period’ nga gin-suggest sang korte, gin-isol ang hearing sa March 26, 2020.

Mapadala ang korte sang subpoena sa Energy Regulatory Commission agud magtambong sa hearing.

Ginapahanumdom man sang korte ang MORE Power kag PECO mga likawan ang pagpa-interview agud indi magdugang sa pagsalangisag.

Madumduman nga nagpagwa sang Addendum sa Writ of Possession ang Branch 23 kun diin nakabutang nga ma-deploy sang personnel ang MORE Power sa mga substations agud mag-oversee kag i-exercise ang control kag possession sa distribution facilities.

Nasaad man nga i-maintain ang ‘status quo’ agud mahatagan ang personnel sang MORE Power sang tiun nga maka-training.

Nakabutang man sa Addendum nga wala dapat sang rank and file sang PECO personnel ang madulaan sang trabaho.