Lalaki nga naka-posas, nakit-an sang mga vendors sa atop sang Mandurriao Public Market

By: JoMaque | Marso 7, 2020

Iloilo City—Ginkumpirmar sang pila ka mga vendors sa Mandurriao Public Market nga may nakita sila sang nakaposas nga lalaki sa atop sang merkado pasado las 7:00 kagab-i, Marso 6.

Suno kay alyas Inday, naglumpat man gilayon ang lalaki kag nagsakay sa tricycle pakadto sa direksyon sang Oñate de Leon.

Wala sang pang-ibabaw nga panapton ang lalaki kag ang iya bayo ginbutang niya sa iya kamot para matabunan ang posas.

May report nga ang lalaki nadakpan sang Criminal Investigation Detection Group ukon CIDG Iloilo City Field Unit sa Sta.Barbara kag may kaso nga rape.

Gin-report nga nakapalagyo ang lalaki sa opisina sang CIDG.

Ginpadulungan sang Aksyon Radyo Iloilo News Team kagab-i, ang nasambit nga opisina para pangayuan sang paathag pero wala sang tawo.