3 pilason sang naglinab-anay ang mag-tiyo sa Igbaras

By: JoMaque | Marso 8, 2020

Igbaras, Iloilo – Pilason ang duha ka tiyo kag ila hinablos sang naglinab-anay sa Lab-on, Igbaras mga las-5 sang hapon kahapon, Marso 7.

Ginkilala ang mga pilason kanday Gregorio Mampula, utod niya nga si Juanito kag hinablos nga si Franklin Mampula, lunsay residente sang amo nga lugar.

Suno sa isa pa ka hinablos sang mag-utod nga Mampula, nabatian ni Franklin nga ginalibak siya sang iya mga tiyo.

Ginpanglabu ni Franklin sang binangon ang duha niya ka tiyo.

Nakabalos naman ang mag-utod sa ila hinablos sang ginlabu man nila gamit ang wasay.

Gindala sa Guimbal District Hospital sanday Juanito kag Franklin samtang gin-refer sa Western Visayas Medical Center si Gregorio.