DEPED, gin-suspend ang national, regional events bangud sa #COVID-19

By: JoMaque | Marso 9, 2020

Manila – Gin-suspend sang Department of Education (DepEd) ang mga naka-schedule nga national kag regional events sang nakumpirmar ang duha ka kaso sang local transmission sang coronavirus disease (COVID-19) sa Pilipinas.

Pero suno sa DepEd, madayon ang National Festival of Talents kag National Schools Press Conference bangud nakaabot na sa venue ang mga participants.

“Heightened precautions are being implemented … which include foregoing elements of the programs that can be avoided,” pahayag sang DepEd.

Nagahulat pa ang ahensiya sang abiso halin sa inter-agency task force on emerging diseases sa iban pa nga aktibidad lakip ang Palarong Pambansa.

Una na gin-isol sang DepEd ang mga national events sang Pebrero subong nga Marso bangud sa pamahog sang COVID-19.

Wala pa sang statement ang DepEd kon madesisyonan nga i-suspend man ang mga klase bangud sa virus.

May anum na ka kaso sang COVID-19 sa Pilipinas lakip ang 3 ka Chinese nationals—isa napatay samtang nakabalik na sa ila lugar kag estable ang kondisyon sang duha ka iban pa. Nagdugang naman sa listahan ang tatlo ka Pinoy lakip ang mag-asawa.